سئومیشم من سنی
سئومیشم من سنی، ائی شوخ پشیمان دئییلم
سنـــدن ال چکســم اولـونجه اگر،اینســان دئییلـم
او وفـــاسیـــز کی، سنیــن له بئله رفتــار ائلـه دی
من بو ایشدن، گوزه لیم، ذره جـه خنــدان دئییلـم
مین اگر دوشمنیم اولسـا، او جفــا پیشــه کیمــی
سنده قورخما، مله ییم، من داها قورخـان دئییلـم
سئویرم من سنی، بی حـد حســاب ائتمــه منی
سنـدن اوزگه گوزه لیم عشقینــه قوربــان دئییلــم
سن منیــم له اولاجاقســان، نــه قده ر عمـروم وار
سندن اوزگه گـوزه ل عشقینــده نیــگاران دئییلــم
منـــی سنــدن آییــرا، بلکــه، اوله ن واختدا عجــل
واحــدین عاقلـی کئسیر هر شئی، نـادان دئییلـم
( علی آقا واحد )