گوزلرین قاره سینـه
گوزلرین قاره سینـه بیر نئچـه قــربـان دیمیشم
قاشــلارین طاقینـه قربان یرینــه جـان دیمیشم
راز پنهانیمی خلق ایچره منیـم فـاش ایله دیـن
بی وفا، من کی سنه سریمی پنهان دیمیشم
خــوبــلــر جملــه گـدادیــر سـر کوینــده سنـیــن
سنه بو خوبـلــر ایچــره مــه تــابــان دیمیــشــم
قاشینا تیغ دیدیـم قانیمی تـو کمک نــه ایچـون؟
تــوت کی، ظالیم، نولا بوباره ده بهتـان دیمیشم
اینجییوب چیخسا سینـه مـدن یــری وار پیـکانیـن
کی نیچون باغریماگلدیکجه باسوب جان دیمیشم
واحدم، قویماییـن، ئولــدوردی او مـــهپـــاره منــی
سهو ایدوب گل اوزونـه مهــر درخشـان دیمیــشم
( علی آقا واحد )