باشلاندى هارادان ، چکيلدى هارا!
سئوگى گوزلريمده آسيلدي دارا
چؤره ييم پارادير، گونلريم قارا
ايچيمده آجيلارچکيرقاه قاها
من سني سئويرديم سئوميرم داها

باخيشين دويغوما سيغيشاردى برک
اينديسه ايچيمدن کؤچمه يين گرک
چرچى ماتاهى تک ساتيلماز اوره ک
اوجوز دوشونجه نه بو سئوگيم باها
من سنى سئويرديم سئوميرم داها

گؤزوزومده وارليغين چؤکوبدوو ديزه
بيز ياراشميرديق بير- بيريميزه
گؤزياشين چاغلاييب، دؤنسه دنيزه!
سؤيکنسه آرزين دا چکديگين آها
من سنى سئويرديم سئوميرم داها

اوفوق ده ساراﻻن گونش سن ايندى
سنلى آرزيلاريم حسرته دؤندو
باغريمدان آيريلدي بولودا ميندى
بيرگه بيزباتيرديق درين گوناها!
من سنى سئويرديم سئوميرم داها

سئوگيليم بودرده دايانماق...آهئى
بيرليکده حسرته بويانماق...آهئى
پولادايناميملا اويانماق...آهئى
اينان منليييمه، اينان آلﻻها
من سنى سئويرديم، سئوميرم داها
شیدا نونهال (خزر ) ماراغا