گئدیشین گتیردی غمی ، غصه نی ،
قلبیم سئوه بیلمز داها کیمسه نی
هر گئجه رؤیامدا گؤرورم سنی ،
یوخومو آپارا بیلمه یه جک سن.


گئتدیین یوللارا حسرتله باخدیم.
دنیز تک کوکره ییب ، چای کیمی آخدیم.
منیمله قالاجاق بو قارا بختیم ،
بختیمی آپارا بیلمه یه جک سن.

گوناهین قارشینا چیخاجاق سنین ،
تنهالیق قلبینی سیخاجاق سنین ،
آهیم یاندیراجاق یاخاجاق سنی ،
آهیمی آپارا بیلمه یه جک سن.


گؤزومون یاشینی سیلسم ده بئله ،
سن سیز دردلی – دردلی گولسم ده بئله ،
من سنین دردیندن اؤلسم ده بئله
روحومو آپارا بیلمه یه جک سن…


(سئوگیلر تانریسی ،نصرت کسمنلی)